آنه الوالدة وجور الوكت ذبني وأحس الروح راحت من رحت يبني
http://mi62.net/mod.php?mod=community&modfile=articles&article_id=55&member_id=461*** أنصبت وسط القلب مهدك يضي العين وأضلوعي تحرسك من مرام البين وإعلى هز المهد يبني أسهرت سنتين وأشباح السهر جانن يبارني *** تكبر والأمل يبني كبر وياك لدارك من تطبها بلهفة أتلقاك تصد عيني إعلى طولك والكبد يرعاك ماأدري تروح وتنفقد مني *** وين سنين عمري الجانت تباريك وين السهر يبني اللي سهرته إعليك بسرعة تروح مني ماجنت أدريك فقدك وأنقطع منك بعد ظني *** تنوح الوالدة الغاب الولد عنها اشلون اللي أبنها ينفقد منها مايبطل بجاها ولايخف ونها وأنا خلافك يفت صم الصخر وني *** عشت ويا النباب وبقلي ربيتك مني تنفقد وتروح مدريتك آنه لو أدري بسواد عيوني ضميتك لامن بعدك أحمل هالغصص ذني *** يامن جنت شمعة زاهية بداري وياوجه البراءة العاش بأفكاري أحن إعليك يبني ليلي ونهاري وحتى الفاجدات أجزعن من حني *** من بعدك أقضي بالحزن يومي يجيني الليل وأتوسد على همومي كل لحظة أفز مرعوبة من نومي جنك مامتت آنه المتت جني *** رحت وبقلبي كم لوعة حزن خليت ومثل ون الحمامة الفرقتك ونيت جنت أتمنى تحظر دفنتي ياريت وبيدك ياشريك الروح تدفني |
السبت، 10 سبتمبر 2011
محطة الأحــــــزان آنه الوالدة وجور الوكت ذبني
الاشتراك في:
تعليقات الرسالة (Atom)
-
التقى سفير المفوضية الدولية لحقوق الانسان في العراق السيد صادق الموسوي ظهر اليوم الثلاثاء 26 تموز 2016 برئيسة منظمة سيدات الاعمال ال...
-
بين أزقة ضيقة ، وبيوت من طمأنينة تساند بعضها البعض ،، يفوح منها عبق سنين ، وسنين .. تحاكي المارة من مغترب ، ومحب ، تدير في ملامحها م...
ليست هناك تعليقات:
إرسال تعليق